რას ვაგროვებთ და რატომ

რას ვინახავთ

ვადები ავტომატურია — მათ დაგეგმილი სამუშაოები ასრულებს, და არა ხელით წაშლა.

• მეტსახელი, სქესი, დაბადების თარიღი

  რისთვის:

  ანგარიშის შექმნა და 18+ წესის დაცვა

  რამდენ ხანს:

  სანამ ანგარიში არსებობს

• პაროლი — მხოლოდ შეუქცევადი ჰეშის სახით

  რისთვის:

  შესვლა

  რამდენ ხანს:

  სანამ ანგარიში არსებობს

• ელფოსტა — ნებაყოფლობითი

  რისთვის:

  პაროლის აღდგენა და მისამართის დადასტურება

  რამდენ ხანს:

  სანამ თავად არ წაშლი ან ანგარიშს არ დახურავ

• პროფილი: ბიო, ქალაქი, ინტერესები, „რას ეძებ აქ?", ფოტოები

  რისთვის:

  პროფილის შევსება შენივე არჩეული აუდიტორიით

  რამდენ ხანს:

  სანამ არ წაშლი

• პოსტები, კომენტარები, რეაქციები და მათი მედია

  რისთვის:

  საიტის ძირითადი ფუნქცია

  რამდენ ხანს:

  სანამ არ წაშლი

• სთორები

  რისთვის:

  მოკლევადიანი გაზიარება

  რამდენ ხანს:

  24 საათი, შემდეგ ავტომატურად ქრება

• პირადი მიმოწერა — ბაზაში დაშიფრული

  რისთვის:

  წერილების მიწოდება

  რამდენ ხანს:

  სანამ არ წაშლი; ანგარიშის წაშლისას იშლება

• მინი ჩატის საერთო ოთახი

  რისთვის:

  საჯარო საუბარი

  რამდენ ხანს:

  ბოლო 500 წერილი ან 24 საათი — რომელიც ადრე დადგება

• IP მისამართი და ბრაუზერის/მოწყობილობის აღწერა შესვლისას

  რისთვის:

  ანგარიშის უსაფრთხოება და ბლოკის გვერდის ავლის ამოცნობა

  რამდენ ხანს:

  30 დღე

• აქტიური სესიები

  რისთვის:

  შესვლის შენარჩუნება და სხვა სესიების დახურვა

  რამდენ ხანს:

  ვადის ამოწურვამდე ან გასვლამდე

• პროფილის ვიზიტები — ვინ შემოვიდა შენს პროფილზე

  რისთვის:

  გვერდი „სტუმრები"

  რამდენ ხანს:

  30 დღე; ნებისმიერ დროს შეგიძლია გაასუფთავო

• პოსტის ნახვები და დღიური აქტივობა

  რისთვის:

  ფიდის რანჟირება და ონლაინ სტატუსი

  რამდენ ხანს:

  ნახვა პოსტთან რჩება; ონლაინობა 30-წუთიანი ფანჯარაა

• საჩივრები და მოდერაციის ჩანაწერები

  რისთვის:

  წესების აღსრულება

  რამდენ ხანს:

  საქმის დასრულების შემდეგ; სთორის მტკიცებულება მაქსიმუმ 3 დღე

• მხარდაჭერის მიმართვები

  რისთვის:

  შენს კითხვაზე პასუხის გაცემა

  რამდენ ხანს:

  მიმართვის დამუშავებისა და მისი ისტორიისთვის

• ელფოსტის გაგზავნის ჟურნალი — მხოლოდ მიმღების დომენი, არა მისამართი

  რისთვის:

  მიწოდების პრობლემის დანახვა

  რამდენ ხანს:

  30 დღე

რას არ ვაგროვებთ

ეს არა მხოლოდ დაპირებაა — ამ ველები საიტზე საერთოდ არ არსებობს.

• რეალური სახელი, გვარი და პირადი ნომერი — არ გვთხოვია და არ გვაქვს
• ტელეფონის ნომერი
• პირადობის დოკუმენტი ან ვიდეოსელფი — ნებაყოფლობითი ვერიფიკაცია ჯერ არ არსებობს; მისი გაშვებისას ეს გვერდი წინასწარ განახლდება
• გადახდის მონაცემები — ფასიანი ფუნქცია ჯერ არ არის
• სარეკლამო ქსელები, გარე ანალიტიკა და cross-site tracker-ები
• ზუსტი გეოლოკაცია — ქალაქი მხოლოდ მაშინ ჩანს, თუ თავად ჩაწერე ტექსტად

ვინ ხედავს შენს მონაცემებს

ხილვადობას შენ ირჩევ: პროფილს, პოსტს და სთორს ცალ-ცალკე აქვს აუდიტორია — ყველა, მეგობრები ან მხოლოდ მე.

• ბლოკი ორმხრივია: დაბლოკილი მხარე ვერ ხედავს პროფილს, პოსტებს, კომენტარებსა და სთორებს
• პერსონალი შენს პირად მიმოწერას ჩვეულებრივ ვერ ხედავს — მხოლოდ კონკრეტული საჩივრის ფარგლებში, იმ ერთი წერილის სახით, რომელიც გასაჩივრდა
• IP მისამართი და მოწყობილობა ადმინისტრაციულ ეკრანზე მხოლოდ მფლობელსა და ადმინს უჩანს; მოდერატორს — არა
• ყველა ადმინისტრაციული მოქმედება აუდიტის ჟურნალში იწერება: ვინ, როდის და რა შეცვალა

როგორ ვიცავთ

ტექნიკური დაცვა იმას ნიშნავს, რაც მართლა გვაქვს — არც მეტს.

• პირადი მიმოწერის ტექსტი ბაზაში დაშიფრულია (AES); მოპარული ბაზის ასლიდან მისი წაკითხვა გასაღების გარეშე შეუძლებელია
• ეს არ არის ბოლოდან ბოლომდე დაშიფვრა: გასაღები სერვერზეა, ამიტომ მოდერაციას კონკრეტულ საჩივარზე ტექნიკურად შეუძლია ერთი გასაჩივრებული წერილის წაკითხვა
• პაროლი ინახება მხოლოდ ჰეშად — მისი აღდგენა ჩვენც არ შეგვიძლია
• საიტი მთლიანად HTTPS-ზე მუშაობს; მედია ფაილები პირდაპირი მისამართით არ იხსნება და წვდომა ყოველ ჯერზე მოწმდება

ვის გადაეცემა

მონაცემებს არავის ვყიდით და სარეკლამო მიზნით არ გადავცემთ. სერვისისთვის საჭირო მიმწოდებლები ესენია:

• Hetzner — სერვერი, სადაც საიტი და ბაზა დგას; მდებარეობა გერმანია
• Cloudflare — დომენის DNS
• Resend — ელფოსტის გაგზავნა (აღდგენის კოდი, მისამართის დადასტურება); ევროპის რეგიონი
• კანონის სავალდებულო მოთხოვნა — მხოლოდ მაშინ და მხოლოდ იმ მოცულობით, რაც კანონით მოეთხოვება

შენი უფლებები

უმეტესობა შენივე პარამეტრებშია, ლოდინის გარეშე.

• ნახვა და შესწორება: პროფილისა და ანგარიშის მონაცემები „პარამეტრებში" იცვლება
• წაშლა: ანგარიშის წაშლა იწყება პარამეტრებიდან — 14 დღე გაქვს გადაწყვეტილების გასაუქმებლად, შემდეგ პროფილი, მედია, სესიები, პოსტები და კომენტარები იშლება
• შენი მონაცემების ასლი: მოგვწერე მხარდაჭერის გვერდიდან და მოვამზადებთ
• უარი: ელფოსტის მითითება სავალდებულო არ არის — მისი გარეშე მხოლოდ პაროლის აღდგენა ვერ იმუშავებს
• საჩივარი: თუ ჩვენი პასუხი არ დაგაკმაყოფილებს, შეგიძლია მიმართო შენი ქვეყნის მონაცემთა დაცვის ორგანოს

ასაკი

საიტი მხოლოდ 18 წელს გადაცილებულთათვისაა. რეგისტრაციისას ასაკს თავად აცხადებ. თუ გაირკვევა, რომ ანგარიშს არასრულწლოვანი იყენებს, ანგარიში იბლოკება და მისი მონაცემები იშლება.

ცვლილებები და კონტაქტი

პროექტი განვითარების ეტაპზეა და ეს გვერდიც განახლდება. არსებით ცვლილებას თარიღი ზემოთ დაატყობ. კითხვისთვის ან მონაცემების მოთხოვნისთვის გამოიყენე მხარდაჭერის გვერდი.